facebook
 
     
InicioObxetivosEncontros do ForoActosActos: HemerotecaPublicaciónsNovasNovas: HemerotecaGaleria fotográficaArquivos de audio  

O Foro E.Peinador xorde nun intre de especial relevo no acontecer histórico de Galicia co obxectivo de incentivar o diálogo entre a economía e a galeguidade, e coordinar o ideario e as exitosas experiencias que se levaron a cabo na nosa Terra e naqueles territorios onde os actores económicos desenvolven o seu pulo empresarial.

Na actualidade, como continuidade do esforzo teimudo que a sociedade galega vén desenvolvendo a prol da pervivencia dos nosos signos e valores identitarios, e da vontade de constituírmonos nun país con personalidade propia no contexto dos pobos do mundo que afirman o seu dereito á diferenza, consideramos relevante afirmar desde o mundo económico a urxencia de conseguir para a lingua galega máis funcións sociais e máis espazos de uso, e reforzar a súa presenza en sectores estratéxicos determinantes para o éxito social e afirmación como pobo.

Con esta perspectiva, o foro E. Peinador via implicar a un conxunto plural de participantes para participaren na afirmación de Galicia como país e en reforzar a lingua galega como alicerce da súa identidade:



 
  • Ao empresariado galego coa maior diversificación posible por sectores, no que o valor da galeguidade está a representar un factor positivo de mercado.
  • Ás autoridades públicas, no seu papel de creadores de políticas e como axentes financiadores de propostas, así como de promotores e executores de iniciativas.
  • Ao mundo financeiro.
  • Á sociedade civil, a través de colectivos organizados, asociación e sindicatos.
  • Á comunidade universitaria e centros de investigación, como favorecedores da relación industria-universidade.