DO NOSO MELLOR EN GALEGO. Como ten que ser!
Coas badaladas de fondo da Berenguela  comezou ás doce da mañá do pasado día 23 de xullo no Hostal dos Reis Católicos  a celebración do acto para a sinatura da Carta do Consumo Responsable  e Solidario coas marcas que etiquetan en lingua galega, convocado polo Foro E.Peinador e Irmandade Galega de Agroalimentarios e Adegueiros. Unha ampla representación de empresarios do sector agroalimentario e alcaldes, entre os que se atopaban os das grandes cidades, participaron na que xa podemos denominar histórica confluenza  para ampliar o número de consumidores que fagan viables as nosas explotacións e industrias de transformación agroalimentarias. Non é a primeira vez que se celebra un acto desta natureza. Con anterioridade foi o Parlamento de Galicia o que manifestou o seu apoio ás marcas comerciais que incorporaron  a lingua galega na súa etiquetaxe. Pero tamén houbo outros nos que os protagonistas foron sindicatos e partidos políticos, ou entidades asociativas. Con estas accións quérese chamar a atención dos consumidores galegos para que asuman o papel que lles corresponde no mantemento do sector agroalimentarios, as súas industrias de transformación e fomento da lingua galega na etiquetaxe. Para eso é necesario que os galegos e galegas modifiquemos os hábitos de consumo, sendo máis responsables nese exercicio cotiá.
 

 
replica watches


Premios Lois Peña Novo 2016

Nunha tardiña soleada do mes de xuño desenvolveuse o acto de entrega dos Premios Lois Peña Novo que cumpriron xa 22 anos de existencia.

Ler máis
A IXUGA Premio da Cultura Galega 2016

Deste xeito recoñece o intenso e decisivo labor de dez anos de traballo ininterrompido na incorporación da lingua galega nos usos xurídicos e xudiciais.

Ler máis
 
29 OUTUBRO. DÍA DA RESTAURACIÓN DA MEMORIA LINGÜÍSTICA DE GALICIA
O culto á memoria dos nosos devanceiros ten fondas raíces na nosa cultura. O tránsito da vida á morte non supón esquecemento da persoa amada; todo o contrario, estimula en nós o afecto da súa lembranza. Aos cemiterios acudimos con frecuencia, ou alomenos unha vez ao ano, no Día de Defuntos, a rendermos culto a súa memoria, xusto é que as lápidas se redacten no idioma no que se expresaron en vida.